De SGR-Groep a risibí bishita di un delegashon ku ta konsistí di empleadonan di Directie Volksgezondheid Aruba i tambe Stichting Ambiente Feliz di Aruba. E delegashon aki a bin pa haña un bista amplio di kon nos ta brinda kuido pa personanan ku un desabilidat aki na Kòrsou.

Durante di 3 dia e delegashon a bishitá diferente departamentu di Fundashon Verriet i tambe Revalidatiecentrum Curaçao. Tambe nan a risibí un presentashon serka nos profeshonalnan i a interkambiá di pensamentu i konosementu.

Tantu nos di De SGR-Groep, komo e delegashon di nos hermana isla Aruba, ta spera di por sigui desaroyá nos samenwerking pa asina sigui traha huntu na bienestar di e kuido pa personanan ku desabilidat tantu na Aruba komo na Kòrsou.

Galeria di portrèt