Ayera nochi nos habitante Victor Brown a yega bèk for di Special Olympics World Games 2023 na Berlin. Victor a gana 3 medaya den e deporte di bowling: un di oro, un di plata i un di bròns. Victor a sa di destaká i mustra mundu kiko tur e tin aden. Naturalmente nos ta sumamente orguyoso di dje!

Riba e portrètnan aki boso por mira e momentu ku nos a bai buska Victor i su demas kompañeronan di Special Olympics Curaçao aya na Curaçao International Airport, ku mashá hopi ambiente, pa demostrá nos apresio i orguyo. Despues di su yegada, Victor a bai selebrá su logronan huntu ku su amigunan mas yegá di Fundashon Verriet, ku un paranda den “Que Chimba” bùs.

Victor, un biaha mas mashá pabien i danki pa saka kara di Kòrsou kompleto aya na Berlin! Bo ta kampion!

Galeria di portrèt