Rancho Harmonia
Na Rancho Harmonia na De Savaan, nos ta brinda terapia ku kabai na mucha i hóbennan ku outismo. Ta hasi uso di terapia ku kabai pa promoshon di desaroyo, guia ortopedagógiko i tambe fisioterapia riba kabai. Loke e diferente formanan di terapia tin komun, ta ku ta usa e kabai komo stimuladó, motivadó i aktivadó.
Klek aki pa mas informashon tokante terapia di outismo/terapia ku kabai.
‘Rancho Club’
Na Rancho Harmonia nos ta ofresé aktividatnan di ‘pony club’. E ‘Rancho Club’ t’éi pa hóbennan ku tin afinidat ku korementu di kabai, pero ku pa motibu di nan limitashon no por haña bon guia na un klup di siña kore kabai regular. Durante e aktividatnan di kore kabai i kuida e kabainan, e terapista ta yuda e kliente desaroyá entre otro su abilidatnan sosial. ‘Rancho Club’ ta spesial pa klientenan for di 15 aña di edat.
Pa mas informashon tokante ‘Rancho Club’ por tuma kontakto ku nos via number di telefòn (+599 9) 540-4042.
