Hidden Disabilities Sunflower Lanyards

No ta semper bo por rekonosé un limitashon na bista. Limitashonnan manera outismo, demensia, difikultat pa siña, diferente tipo di desabilidat mental, enfermedatnan di mobilidat, di habla, di bista, i/òf di oido hopi biaha ta “skondí”. E invisibilidat di e limitashonnan akí ta hasi e bida diario di e persona ku e desabildat mas eksigente. Sin un prueba visibel di e limitashon skondí ta difísil pa otronan rekonosé e retonan ku e persona ta eksperensiá. Esaki tin komo konsekuensia ku hopi biaha otronan ta mustra  poko simpatia i komprenshon, i ta lanta frustrashon serka personanan ku tin un òf otro desabilidat.

Ku e ‘Hidden Disabilities Sunflower Lanyard’ un hende ku un desabilidat invisibel por skohe pa ta visibel. Ku e kordon bistí, otro hende por tuma nota di un manera diskreto ku bo tin mester di èkstra sosten, yudansa i/òf mas tempu. Tur aeropuerto rònt mundu i hopi empresa/organisashon, tantu lokal komo internashonal, ta rekonosé e kordon aki.