Nos manera di traha
COP ta trata klientenan ku ta eksperensiá keho na rudia, hep, skouder, lomba, man i pia. Si un hende tin keho i limitashon pa ku su wesunan, skarnirnan i/òf múskulo, por akudí serka nos pa un konsulta.
Kada kurpa tin nesesidatnan spesífiko, pues nos tim di profeshonalnan ta reuní i hasi un investigashon di diagnóstiko profundo pa kada kliente.
Nos trahadónan di instumènt diplomá ta traha e rekursonan ortopédiko ku tin mester kompletamente na midí òf ta bestèl esakinan si no tin den stòk.
Generalmente COP tin un tempu di entrega di dos siman despues di a tuma midí i tres luna despues di a hasi uso di e rekurso ortopédiko, lo akabá esaki kompletamente.
Inisio di e proseso
A petishon di e spesialistanan médiko di hospitalnan, nos trahadónan di instrument ta bishitá e pashèntnan den hospital pa midi i laga traha i entregá e rekursonan ortopédiko. E rekursonan ortopédiko ku mas nos ta entregá ta órtesis, prótesis, kòrsèt, sosten, plantia ortopédiko, mea di sosten i sapatu (semi) ortopédiko.
Den kaso ku ta trata di un kliente di Revalidatiecentrum Curaçao e médiko di revalidashon i e terapista físiko lo deliberá ku COP kua rekurso e kliente tin mester. Despues di haña enkargo di e spesialistanan, COP lo traha òf bestèl e rekursonan ortopédiko i e sentro di revalidashon lo guia e kliente pa ku su postura i moveshon ku yudansa di e rekursonan di sosten.
Poskuido
Pa garantisá e kalidat ekselente di nos rekursonan ortopédiko, poskuido apropiá ta masha importante. Un rekurso ortopédiko lo bira parti di un hende su bida. Pa por move mas tantu posibel di un manera liber, ku e sosten físiko akí, nos trahadónan di instrument lo duna e kliente informashon profeshonal tokante mantenshon di esaki.
Si abo komo kliente ta enkontrá problema ku e rekurso ortopédiko, nos lo intervení i ofresé un solushon pa e problema. Tuma kontakto inmediato ku nos na momento ku:
- E rekurso ta muchu pèrtá òf muchu hanchu;
- E rukurso ta hasi zonido straño;
- Si haña iritashon òf otro afektashon di kueru.
