Zorgboerderij De Waarborg

‘Zorgboerderij De Waarborg’ na De Savaan ta un sentro di pasadia di Fundashon Verriet, pa klientenan ku un limitashon moderá, ku apesar di nan limitashon ta haña e oportunidat pa hasi loke nan ta bon den dje i asina sigui desaroyá nan mes.

Na ‘De Waarborg’ tin diferente bestia manera kabai, buriku, porko, baka, pouwis, galiña i tambe patu. Den e kunuku nos ta planta diferente fruta i bèrdura manera papmpuna, sòrsaka, bakoba, spinazi, papaya i tamarein. Tin un ‘green house’ tambe kaminda e klientenan ta planta mata dekorativo i yerba medisinal.

Lo bo ke kumpra e produktonan  ku nos klientenan ta produsí?

Esei sigur ta posibel! Tur rekoudashon di benta ta wòrdu invertí bèk den e kuido di nos klientenan, pa hiba esaki kada bes na un nivel mas haltu. Tambe nos ta hür e lokalidat  natural i úniko akí pa fiesta di mucha, fiesta di famia, plan di fakansi i otro aktividatnan sosial. Riba e tereno tin bestia, un palapa grandi, sèt di piknik, un tualèt i frishidèr. Pa mas informashon por tuma kontakto via number di telefòn (+599 9) 529-5151 òf (+599 9) 540-4042.