De SGR-Groep

Stichting voor Gehandicapten- en Revalidatiezorg (De SGR-Groep) ta e dunadó di kuido pa personanan ku un desabilidat di mas grandi na Kòrsou. De SGR-Groep a lanta na yanüari 2004 for di e integrashon di Stichting Zorg voor Verstandelijk Gehandicapten i Mgr. P.I. Verriet Instituut. Dor di e intergrashon di e dos organisashonnan akí a bira posibel pa hiba e nivel di kalidat di kuido na un plano muchu mas profeshonal.

Bou di De SGR-Groep ta resortá kuater (4) fundashon:

  • Fundashon Verriet
  • Revalidatiecentrum Curaçao
  • Curacao Orthotics & Prosthetics
  • Fundashon Maneho di edifisionan

For di nos vishon básiko e fundashonnan aki ta ofresé kuido na personanan ku un desabilidat mental i/o físiko pa asina nan por duna kontenido na nan bida di un manera mas mihó posibel i reforsá nan mes den esaki.

‘Personanan ku un desabilidat, tambe ta parti di nos komunidat. Inkluí, aseptá, respetá i stima nan. Ban enfoká riba nan abilidatnan i no riba nan desabilidat.’

Mas informashon

Riba e wèpsait akí por orientá i haña mas informashon tokante di nos organisashon.

Bo no a haña e informashon ku bo ta buska? No duda pa tuma kontakto ku nos via di e formulario di kontakto òf via imeil/telefòn.